Eiddo deallusol a hawlfraint

Beth yw eiddo deallusol?

Gall eiddo deallusol (ED) adael i chi berchen ar bethau rydych yn eu creu mewn ffordd debyg i berchen ar eiddo ffisegol. Gallwch reoli defnydd o'ch ED, gan ei ddefnyddio i elwa. Mae hyn yn annog arloesi a chreadigrwydd pellach.

Y pedwar prif fath o ED yw:

Mae hawlfraint yn diogelu deunydd, megis llenyddiaeth, celf, cerddoriaeth, recordiadau sain, ffilmiau a darllediadau.
Mae dyluniadau'n diogelu'r olwg sydd ar gynhyrchion neu eu hatyniad gweledol.
Mae Patentau'n diogelu'r agweddau technegol a gweithredol ar gynhyrchion a phrosesau.
Mae Nodau Masnach yn diogelu arwyddion sy'n gallu gwahaniaethu rhwng nwyddau a gwasanaethau y naill masnachwr a'r llall.

Fodd bynnag, mae ED hefyd yn cynnwys cyfrinachau masnachol, amrywogaethau planhigion, dynodiadau daearyddol, hawliau perfformwyr ac yn y blaen. Yn aml, gellir cymhwyso mwy nag un math o DE at yr un greadigaeth.